Search This Blog

Sunday, December 5, 2010

စင်ကာပူမှ နွားအတွေ့ကြုံများ (၂)


ကျွန်တော်တို့လုပ်ရသော MSCP ပရောဂျက်တွင်ရှိတဲ့ Contractor ဖက်ကပိုင်ရှင်သူဌေးမှအစ Supervisor အဆုံးလူများဟာ ဆေးမှင်ကြောင်အရုပ် Tattoo ကိုယ်စီဖြင့် ဟိုအရင်ခေတ်ကဆိုရင်တော့ တကယ့် လူမိုက်ဂိုဏ်းသားများ ဖြစ်မယ်ထင်ပါတယ်။ ကျွန်တော်ရဲ့ စီနီယာအဖိုးကြီးကတော့ သူတို့ကိုကြည့်ပြီး ဆေးသုတ်တဲ့သူတွေဟာ အဆောက်အဦးတွေကို ဆေးသုတ်ရတာအားမရလို့ ကိုယ့်ကိုယ်ကို ပြန်ပြီးဆေးပြန်ရေးတဲ့ သူတွေအဖြစ် အမြဲနောက်လေ့ရှိပါတယ်။ ဟိုအရင်ကတော့ R&R အလုပ်တွေဟာ
လုပ်ရကိုင်ရလွယ်ကူပြီး နောက်ပိုင်းတွင် Management အပြောင်းအလွဲများကြောင့် နွားတွေရဲ့တင်းကြပ်မှုအောက်မှာ Contractor အတွက်မလှုပ်သာ မလူးသာနဲ့ Contract Specification, Supplimentary Specification မှာဖော်ပြထားတဲ့အတိုင်း လုပ်ဆောင်စေပြီး Preliminary အရ Onsite
နဲ့ Offsite မှာပေးရမယ့် ဝန်ဆောင်မှုအတိုင်း လုပ်ဆောင်မှု ရှိမရှိကိုပါ ထိန်းချုပ်လာကြပါတယ်။
Contractor အမြဲပြောလေ့ရှိသော စကားမှာ အရင်က HDB ရဲ့နာမည်ကြီးတစ်ပင်တိုင်စံ Consultant တုန်းကဆိုရင် လုပ်စရာမလိုဘဲ မနေ့တနေ့ကမှပေါ်လာတဲ့ ဘာမှမဟုတ်တဲ့ Consultant ကြောင့်မလုပ်နိုင်ကြောင်း အမြဲပဲဆင်ခြေပေးလေ့ရှိတယ်။ ဒီလိုနဲ့ပဲ RTO ကျားကြီးတွေရဲ့ Contractor အပေါ်ဟိန်းဟောက်မာန်မဲမှုကြောင့် ပရောဂျက်အနေအထားခြင်းတူတာတောင် အဲဒီနာမည်ကြီး Consultant ထက်ကောင်းမွန်သော Preliminary ခံစားခွင့်ကို ရရှိခဲ့တယ်။ Inspection Form Submit လုပ်မှ အလုပ်ခွင်သို့ သွားရောက်စစ်ဆေးခြင်း၊ လုပ်ငန်းခွင်မှနွားနဲ့ Co-Operate မလုပ်နိုင်သော Supervisor အားနေရာပြောင်းဖယ်ရှားခြင်း၊ လုပ်ငန်းခွင်တွင်အသုံးပြုသော ပစ္စ္စည်းများမှန်ကန်စွာ လိုက်နာမှုမရှိပါက အစကနေပြန်၍ လုပ်စေခြင်း တို့မှာ Contractor အပေါ်အနိုင်ရခြင်းပဲ ဖြစ်ပါတယ်။
ဒါပေမယ့်လဲ Contract Specification အားသမာကျမ်းစာအုပ်ဖတ်သလို စာတစ်ကြောင်းခြင်း၊ စာတစ်ပိုဒ်ခြင်း အနက်အဓိပ္ပာယ်ဖွင့်ဆို လုပ်ကိုင်ရမယ်ဆိုပါက Contractor အနေနဲ့လုပ်ကိုင်ရခက်ခဲပြီး သတ်မှတ်ချိန်အတိုင်း ပရောဂျက်မပြီးနိုင်ပါဘူး။ အဲဒီတော့ ပရောဂျက်လည်းအချိန်မှီပြီး အလုပ်မှာလည်း လက်ရာကောင်းကောင်းနဲ့ ဘောင်ဝင်အောင်လုပ်နိုင်စေရန်အတွက် တင်းတလှည့်လျှော့တလှည့်နဲ့ Contractor ရဲ့အလုပ်အား မျက်ခြေပြတ်စောင့်ကြည့်ထိန်းချုပ် နိုင်ရပါမယ်။ Quality, Time, Cost ဆိုသော ပရောဂျက်ဖြစ်စဉ်တလျောက်တွင် Progress မှာအဓိကကြသောနေရာတွင်ပါဝင်နေပြီး အချိန်မှီမပြီးနိုင်ပါက Contractor အနေနဲ့ ပထမဦးဆုံး Liquidated Damage ဆိုတာပေးရပြီး Consultant အနေဖြင့်လဲ ပရောဂျက်အား သေချာစွာစီမံမလုပ်သောကြောင့် ဖိအားပေးခံရပါမယ်။
နွားတစ်ယောက်အနေနဲ့ အတွေ့အကြုံလုပ်သက်ဟာ အလွန်အင်မတန်မှ အရေးကြီးပါတယ်။ Contractor ရဲ့လှည့်ကွက်၊ အလုပ်ပြီးဖို့တခုတည်းသာကြည့်တတ်သောအလေ့အကျင့်၊ စကားအားရှေ့နောက်မညီဘဲ ပြောချင်သလိုပြောတတ်ခြင်း၊ Project Tender Value နည်းသဖြင့် အမြတ်များများပြန်ရလာစေရန် လုပ်ရမယ့်ဘောင်အတွင်းမလုပ်သော Cheating များအား ရင်ဆိုင်ဖြေရှင်းရာတွင် ဖက်မလိုက်ဘဲ Neutral ကျကျဆုံးဖြတ်ပြီး မိမိအထက်မှ Qualified Person, Resident Engineer, Project Engineer အားအသိပေးရပါမယ်။ တခါတလေကြတော့ ကိုယ့်အနေနဲ့ သေးငယ်တယ်လို့ထင်ရတဲ့ပြဿနာဟာ သူတို့အတွက်တော့ တကယ့်ကိုပုံကြီးချဲ့ပြောစရာ ဖြစ်ရင်ဖြစ်လိမ့်မယ်။ အဲဒီတော့ မျက်စိဖွင့်နားကိုစွင့်ထားပြီး Clerk of Works အလုပ်ကိုလာပြီးအိပ်ပဲနေတယ် ဘာမှမသိဘူး အလကားပဲလို့အပြောမခံရအောင် နေတတ်ဖို့တော့လိုတယ်နော်။

2 comments: